يا يسوع

Abdullah الخميس أبريل 24, 2008 6:37 pm

يا يسوع
اشكرك يا الهي يسوع على كل ما فعلته لاجلي
اشكرك على تحملك كل هذا
اشكرك على كل طعنه تحملتها لاجلي
على كل جلده تحملتها لاجلي
اشكرك يا رب وانا مكسوف منك على كل نقطه دم طاهر نزلت منك ورضيت يا رب انها يتداس عليها عشاني
اشكرك على كل اه الم نطقت بيها وانت بتعلن حبك ليا
ايوه يا رب
انا حاسس بيه
وعارف اد ايه هو كبير
واد ايه انا مستاهلوش
بس انت يا رب رضيت تديهولي هديه
اشكرك يا رب على كل نقطه عرق وقعت منك عالارض وانت متعب عشاني
اشكرك يا الهي الطيب على كل ثانيه رضيت فيها تعيش عالارض وسط الفساد اللي فيها عشان تنقذني
يااااااه يا رب
للدرجه دي
للدرجه دي انت بتحبني
وللدرجه دي يا رب انا مستهلش كل ده؟؟؟
يارب
انا عاوز اعتذرلك يارب
عاوز اعتذر عن صلبك اللي انا عملته
ايوه يا رب
انا اللي صلبتك
صلبتك بخطايايا
بغلطاتي
انا يارب السبب غي انك اتصلبت من زمان
والسبب في اني بصلبك دلوقتي
ايوه
انا بصلبك
وبجلدك
وبالمك
وباهينك كمان يا رب
يااااااااه يا رب
اد ايه انت جميل
انت اجمل اب في الدنيا
وانا اوحش ابن في الدنيا
يا رب انا عارف كل ده
بس المشكله اني مش عارف اعمل ايه
مش عارف اجيلك
كل مره اقول اني هكون فيها معاك
بلاقي ميت حاجه بتبعدني عنك
يارب
احميني من ارادتي يا رب
اتدخل انت يا رب واحميني من نفسي
اذا كنت يا رب عاوز اجيلك ومش عارف خليني اعرف
واذا كنت انا اصلا مش عاوز خليني انت يا رب احس بجمالك وابوتك وابقى عاوز اجيلك
متسيبنيش لنفسي من فضلك يارب
يارب
انا نفسي الاقيك قدامي واجري عليك يا رب واترمي في حضتك واقولك
سامحني يا بابا
سامحني اوي بجد
سامحني من فضلك
انا عارف انك سامعني دلوقتي وانا بقرا الكلام ده وبقوله
وعارف انك عمرك ما بيهون عليك حد من ولادك يطلب منك حاجه ومتديهالوش
امال بقى لو كانت الحاجه دي يا رب هيا انت
ايوه يا رب انا عاوزك انت
بس مش عارف ازاي
نفسي يارب انشف كل نقطه دم منك يارب
كل نقطه عرق
بس انا يا رب مستاهلش اشوفك
هستانل المسك؟؟؟
ياااااااااااا ااارب
خليني استاهلك
خليني ادوقك
خليني احسك
خليني احبك يا رب
من فضلك

امضاء
ابنك المشتاق لرؤياك
من أيميلي