يامسيحيي العراقي

تم نقل القصيدة من موقع كرملش لَكَ والتي نقلها الأخ العزيز بهنام ججيكا حفظه الله مع الشكر
للشاعر فالح حسون الدراجي
يامسيحيي العراقي
يا مسيحيي العراقي
يا مسيحيي العراقي يا ابن اول زرع
جذرك بكل كلب باقي شلون جذرك ينشلع
انت مثل الكصب عالي يكطع وما ينكطع
اش ما تكص بيه المنجل يرجع اكثر يرتفع
يا مسيحيي العراقي
يا صبر خيط الشمع مهما تشتد اللبالي
وعلى بابك نجتمع
وتلكى الف دورة تلالي والف شميسة تشع
يا مسيحيي العراقي
يا صبر خيط الشمع انت مثل الماي الصافي واحلى من في النبع
وانت مثل العطر راقي واشلون منك ينشبع
وانت في دم كل عراقي وهم شفت دم ينزع
يا مسيحيي العراقي
يا طبع واجمل طبع
انت صح دافي وطيب وحس الك ما ينسمع
وانت صح ناعم حلو ومن حلاوتك تنفلع
لكن اقوى من الحديد وانت اسبع من السبع
يا سبع وابن السبع
انت اصحابي ورفاقي وربعي اجمل ربع
يا مسيحيي العراقي
اريد احلفك بالمآسي وبالسجون والقمع
واريد احلفك بالليالي واشكثر حركن شمع
واريد احلفك بالمآقي شكثر شالن دمع....
لا تغادر شجرة امك مهما يتردى الوضع
بير جدك ... وانت من اشرف نبع
اثبت وكلهم عراقي واسألوا الحق والشرع
انت مثل الجبل باقي والجبل ابد ما يندفع

الشاعر
فالح حسون الدراجي

اعزائي متصفحي الموقع قصيدة رائعة بحق مسيحيي العراق للشاعر الكبير فالح حسون الدراجي . مشكور على عواطفه النبيلة
تجاه اخوانه مسيحيي العراق وله جزيل الشكر والتقدير . اتمنى ان تنال رضاكم .