مشتاق الك، والله .. شعر شعبي عراقي

مشتاق الك، والله ..

طالت ليـالي الهجر .. وك، آه منك آه
يابو قلب من صخر .. ويلاه ما أقساه

تغيب ولا تســـئل .. باللي تلوع بيك
للروح أنت الأمل .. لوماتجيها تجيك

يانور عيني والنظر .. مشتاق الك، والله ..

لحياتي، أنت القمر .. يامنور لياليها
غيرك ياحلو السَمر .. منهو اليسليها

يا أول حِلم بالعمر .. مشتاق الك، والله ..

يابهجة الأفـــراح .. يا أسعد أيامي
من شوفتك أرتاح .. تبرالي الآمي

بردان وأنتَّ الجمر .. مشتاق الك، والله ..

يل همســـة شـــفافك .. اللحان تشــجيني
عطشان الك ارجوك .. من نبعك أرويني

يا أطيب من الخَمر .. مشتاق الك، والله ..

حكمت البيداري